Жамбыл облысының әкімдігі,  «Жамбыл облысы Кәсіподақтар орталығы» аумақтық кәсіподақтар бірлестігі және Жамбыл облысының Кәсіпкерлер Палатасы арасындағы 2018−2020 жылдарға арналған КЕЛІСІМ  

 

Жамбыл облысының әкімдігі,  «Жамбыл облысы Кәсіподақтар орталығы» аумақтық кәсіподақтар бірлестігі және Жамбыл облысының Кәсіпкерлер Палатасы арасындағы 2018−2020 жылдарға арналған

КЕЛІСІМ

 

Қазақстан Республикасы Президентінің «Қазақстанның үшінші жаңғыруы: жаһандық бәсекеге қабілеттілік» атты Жолдауын, Жамбыл облысының әкімдігі, жұмыскерлердің республикалық бірлестіктері және жұмыс берушілердің республикалық бірлестіктері арасындағы 2018−2020 жылдарға арналған Бас келісімді іске асыру шеңберінде бұдан әрі Тараптар деп аталатын Жамбыл облысының әкімдігі, «Жамбыл облысы Кәсіподақтар орталығы» аумақтық кәсіподақтар бірлестігі және Жамбыл облысының Кәсіпкерлер Палатасы елдің әлеуметтік-экономикалық дамуының барлық бағыттары бойынша анағұрлым ауқымды және іргелі жұмыстарды бастау қажет деп есептейді.

Осыған байланысты Тараптар Қазақстан Республикасының Конституциясын, Қазақстан Республикасының заңнамасын мүлтіксіз сақтау негізінде әрекет ете отырып,

«Қазақстан-2050» стратегиясын, Қазақстанның үшінші жаңғыруы және Қазақстан Республикасы Президентінің «Болашаққа бағдар: рухани жаңғыру» бағдарламалық мақаласын іске асыру шеңберінде,

әлеуметтік әріптестікті дамыту, әлеуметтік-еңбек қатынастарын ұжымдық-шарттық реттеу және еңбек құқықтарын іске асыру кезінде шығу тегіне, әлеуметтік, лауазымдық және мүліктік жағдайына, жынысына, нәсіліне, ұлтына, тіліне, дінге көзқарасына, нанымына, тұрғылықты жеріне, жасына немесе дене кемістіктеріне, сондай-ақ қоғамдық бірлестіктерге қатыстылығына байланысты ешқандай кемсітуге жол бермеу қағидаттарын басшылыққа ала отырып,

әлеуметтік әріптестіктің барлық деңгейлеріндегі үш жақты келіссөздер мен консультациялар барысында қол жеткізілген уағдаластықтарды сақтауға міндеттене отырып,

Қазақстан Республикасы Еңбек кодексінің негізінде 2018 − 2020 жылдары әлеуметтік-еңбек қатынастарын және олармен байланысты экономикалық қатынастарды  реттеудің негізгі бағыттары бойынша Тараптардың келісілген ұстанымдарын айқындайтын 2018 − 2020 жылдарға арналған осы Үшжақты келісімді (бұдан әрі − Келісім) жасасты.

 

I бөлім

Экономиканы жедел технологиялық жаңғырту

 

Тараптар:                     

 

  • Цифрлық технологияларды қолдана отырып, өндірістің жаңа салаларын құруға ықпал ету.

 

 

  • Төртінші Өнеркәсіптік революцияның элементтерін енгізу есебінен облыс экономикасының дәстүрлі базалық салаларының бәсекелес басымдықтарын кеңейту.
  • Экономиканы технологиялық жаңарту және цифрландыру жағдайында сұраныс пен ұсыныс теңгерімін қамтамасыз ету есебінен облыстың еңбек нарығын тиімді реттеу.

1.4. Жамбыл облысындағы бюджеттік шығыстардың тиімділігін арттыру бағыттарында бірлескен күш жұмсауға міндеттенді.

 

Тараптар жоғарыда көрсетілген мақсаттарды іске асыруды қамтамасыз ету үшін:

 

  • Экономиканы технологиялық жаңғырту бойынша нормативті-құқықтық актілерді жүзеге асыруды қамтамасыз ету.
  • Экономика салаларын технологиялық қайта жарақтандыру мақсатында инновацияларды және Төртінші өнеркәсіптік революцияның элементтерін енгізу үшін қолайлы жағдайлар жасауға.
  • Шетелдік озық технологиялар трансферттеріне және әлемдік жоғары өнімді компанияларды тартуға жәрдемдесуге.
  • Бизнесті және халықты экономиканы технологиялық жаңғыртуға жедел тарту үшін ақпараттық-коммуникациялық инфрақұрылымды дамытуға.
  • Әлеуметтік тұрақсыздыққа және халықтың кірісінің төмендеуіне жол бермеу үшін еңбек ресурстарының құзыреттілігін арттыруды және кәсіпорындардың, салалардың және өңірлердің ішінде және олардың арасында кадрлардың икемді ауысуын қамтамасыз ете еңбек ресурстарының ағымын басқару жөніндегі Жол картасын жүзеге асыруға.
  • Экономика салаларын технологиялық жаңарту үшін ішкі және сыртқы инвестицияларды тартуға ынталандыруға.
  • Тиімділігі жоғары жобаларды қолдау мақсатында инвестицияларды өндіріске бағыттау.

 

Әкімдік өзіне мынадай міндеттемелерді қабылдайды:

 

1.12. Инновацияларды қолдау және инвестицияларды тарту  жөніндегі нормативтік құқықтық актілерді әзірлеу үшін ұсыныстар енгізу.

1.13. Ұлттық экспорттық стратегияның, Ұлттық инвестициялық стратегияның және «Цифрлық Қазақстан» бағдарламасының іске асырылуына ықпал ету.

1.14. Экономиканы жаңғырту шеңберінде ірі кәсіпорындармен Жол карталарын жасасу және  нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасының барлық құралдарын пайдалану арқылы еңбек ұтқырлығы және еңбек ресурстарының басқарылатын ауысуы үшін жағдай жасау.

 

 

1.15. Жұмыскерлер алдында жалақы қарызы бар және бюджетке берешегі бар ірі және орта кәсіпкерлік субъектілердің қаржылық – шаруашылық қызметіне үнемі мониторинг жүргізу.

1.16. Импортты алмастыратын және экспортқа бағдарланған өнімдер өндірісін құру үшін, сондай-ақ оны өткеру үшін инвестицияларды тарту бойынша өнеркәсіп кәсіпорындарын ынталандыру.

1.17. Облыстағы барлық меншік иелігіндегі ұйымдардың түрлі әлеуметтік төлемдердің және жалақының уақытылы төленуі жөнінде және олардың жыл сайынғы индексациялануын қадағалау.

 

Кәсіпкерлер Палатасы өзіне мынадай міндеттемелерді қабылдайды:

 

1.18. Жаңа, оның ішінде цифрлық технологияларды енгізу кезінде компаниялардың өз кадрларына білім беруді және оларды даярлауды өз бетінше инвестициялауы бойынша жұмысты үйлестіру.

1.19. Инновациялар және инвестиция тарту саласындағы нормативтік құқықтық актілердің жобаларына сараптама жүргізу.

1.20. Озық технологияларды енгізуді ескере отырып, кәсіпорындарды негізгі құралдарды жедел жаңартуды жүргізуге тарту.

1.21. Еңбек нарығында шиеленістің болуына жол бермеу үшін еңбек ресурстарының ауысуының басқару жүйесін құруға, оның ішінде жұмыс берушілерге әлеуетті босатылатын кадрлардың құзыреттерін дамытуды қамтамасыз ету бойынша көмек шараларын көрсету арқылы ықпал ету.

1.22. Кадрларды оқытуға арналған мемлекеттік тапсырыстарды қалыптастыру және орналастыру бойынша ұсыныстар енгізу

 

Кәсіподақтар өзіне мынадай міндеттемелерді қабылдайды:

 

1.23. Еңбек нарығында шиеленістің болуына жол бермеу үшін:

– еңбек ұжымдарының арасында экономиканың технологиялық жаңаруымен байланысты еңбек нарығындағы сын-тегеуріндер туралы кең ауқымды ақпараттық-түсіндіру жұмысын жүргізеді;

– өндірісті технологиялық жаңғырту (автоматтандыру, роботтандыру, цифрландыру) шеңберінде еңбек нарығы шиеленісті бәсеңдету жөнінде ұсыныстар әзірлеу жолымен еңбек ресурстарының ауысуын басқару жүйесін құруға ықпал етеді.

1.24. Өндірілетін өнімнің тиімділігін арттыруға және өнім сапасын арттыруға бағытталған міндеттемелерді шаруашылық субъектілерінің ұжымдық шарттарына енгізуге  қол жеткізу. Барлық жерлерде жұмысшыларды тәрбиелеуді дамыту және кәсіби шеберліктің жарыстарын өткізу.

 

 

 

 

 

II бөлім

Бизнес ортаны түбегейлі жақсарту

 

Тараптар:

 

  • Тауарлардың, жұмыстардың және көрсететін қызметтердің өндіріс көлемін арттыру және жаңа жұмыс орындарын құру негізі ретінде шағын және орта кәсіпкерлікті дамыту үшін жағдай жасауға.
  • Бизнесті ашу және жүргізу үшін шығындар мен кедергілердің барлық түрлерін төмендетуге.
  • Кәсіпкерлік бостандық және бәсекелестікті дамыту үшін бағалық және тарифтік сөзбайласудың алдын алуға.
  • Мемлекеттің экономикадағы үлесін төмендетуге, экономиканың тиімді жеке секторын құруға және мемлекеттік-жекешелік әріптестікті дамытуға бағытталған бірлескен күш жұмсауға міндеттенді.

 

Тараптар жоғарыда көрсетілген мақсаттарды іске асыруды қамтамасыз ету үшін:

 

  • Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» бағдарламасын, оның ішінде бизнес негіздеріне оқыту және халыққа микрокредиттер мен гранттар беру бөлігін тиімді іске асыруды қамтамасыз етуге.
  • Экономиканы әртараптандыруды және бәсекеге қабілеттіліктің өсуін қамтамасыз ететін оның басым секторларын дамытуға.
  • Бизнес-ортаны жақсарту бойынша ұсыныстар әзірлеуге уағдаласты.

 

Әкімдік өзіне мынадай міндеттемелерді қабылдайды:

 

  • Бизнесті реттеуді азайту бойынша бірлескен жүйелік шараларды қабылдау.
  • Жеке сектордың іскерлік белсенділігін ынталандыру және бизнес-ортаны жақсарту бойынша шаралар қабылдау.
  • Облыста өзін-өзі реттейтін ұйымдарды құру және дамыту бойынша ұсыныстар мен ұсынымдарды әзірлеу.
  • Кейбір мемлекетке тән емес функцияларды бәсекелестік ортаға және өзін-өзі реттеуші ұйымдарға кезең-кезеңімен тапсыру бойынша ұсыныстар енгізу.
  • Жеке бизнес субъектілерінің қызметіне бақылау және қадағалау рәсімдерін ырықтандыруды қамтамасыз ету.
  • Цифрландыру арқылы мемлекеттік қызметтерді көрсету процесін оңтайландыру, мемлекеттік қызметтерді көрсету кезінде мерзімдерді және құжаттар тізбесін қысқарту.
  • Ұлттық стандарттарды халықаралық стандарттармен жедел үйлестіру есебінен өнімдер мен көрсетілетін қызметтердің сапасын арттыруды ынталандыру, сертификаттау инфрақұрылымын дамытуды қамтамасыз ету.
  • Шағын және орта кәсіпкерлікті мемлекеттік қолдау шараларын кеңейтуді қамтамасыз ету.
  • Мемлекеттік активтерді жекешелендіруді жеделдету және оның айқындылығы мен тиімділігін қамтамасыз ету.
  • Бизнеске аутсорсингке берілетін мемлекеттік көрсетілетін қызметтердің тізбесін кеңейту, сонымен қатар, жұмыспен қамтуға жәрдемдесу жөніндегі қызметтерді аутсорсингдеу.
  • Бәсекелестікке кедергі келтіретін нормаларды анықтау мәніне нормативтік құқықтық актілерге тұрақты ревизия жүргізу.
  • Халық үшін әлеуметтік маңызы бар азық-түлік тауарларының және реттеліп көрсетілетін қызметтердің бағалық қолжетімділігін, инфляция деңгейін төмендетуді қамтамасыз ете отырып, баға белгілеуді одан әрі ырықтандыруға бағытталған баға саясатын жүргізуді қамтамасыз ету.
  • Әлеуметтік маңызы бар азық-түлік тауарларының, реттеліп көрсетілетін қызметтер мен тарифтердің бағаларына мониторинг жүргізу. Әлеуметтік маңызы бар азық-түлік тауарларына бағаның негізсіз өсуі анықталған жағдайларда өңірлерде құрылған әлеуметтік-кәсіпкерлік корпорациялар арқылы бірінші кезекте қажет тауарларды әртараптандыруды жүргізу.
  • Тарифтердің деңгейінің болжамдылығын және тұрақтылығын қамтамасыз ету бөлігінде табиғи монополия субъектілерін реттеуді жетілдіру.

 

Кәсіпкерлер Палатасы өзіне мынадай міндеттемелерді қабылдайды:

 

  • Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасының тиісті бағыттарын іске асыратын оператор болу.
  • Кәсіпкерлерді оқытуды ұйымдастыру және оларға бизнесті ашу және жүргізу бойынша консалтингтік қызметтер көрсету.
  • Мемлекеттік бағдарламалардың жүзеге асырылу барысына бизнестің барынша тартылуын көздеу.
  • Мемлекеттік билік және жергілікті өзін-өзі басқару органдарында іскерлік орта мүддесін қорғау.
  • Бизнесті жүргізудің қолайлы сипатын анықтау және мемлекеттік органдардың тиімділігін бағалау мақсатында әлеуметтік зерттеу жүргізу.

 

Кәсіподақтар өзіне мынадай міндеттемелерді қабылдайды:

 

  • Бизнес-ортаны жақсарту, оның ішінде еңбек қатынастарын реттеу бөлігінде ұсыныстар әзірлеу.
  • Шағын және орта кәсіпкерлік саласындағы қызметкерлерге мемлекеттік кепілдің жүзеге асырылуына мониторинг жүргізу.

 

III бөлім

Халықты формальді және нәтижелі жұмыспен қамтуға

және еңбек өнімділігін арттыруға жәрдемдесу

 

Тараптар:

 

  • Жоғары өнімділікпен, қауіпсіз еңбек жағдайларымен, еңбекақы мөлшерін реттеумен сипатталатын жаңа, жоғары сапалы жұмыс орындарын құруға.
  • Формальді және нәтижелі жұмыспен қамтамасыз ете формализациялау және ел экономикасына формальді емес жұмыспен қамтылған тұрғындарды тарту жөніндегі Жол картасын жүзеге асыруға.
  • Ұлттық біліктілік жүйесін дамыту арқылы еңбек ресурстарының сапасын арттыруға.
  • Еңбек ресурстарының ұтқырлығын қамтамасыз ету үшін еңбек нарығының инфрақұрылымын жаңғыртуға.
  • Жоғары білікті шетелдік жұмыс күшін тарту үшін тиісті жағдай жасауға бағытталған бірлескен күш салуға міндеттенді.

 

Тараптар жоғарыда көрсетілген мақсаттарды іске асыруды қамтамасыз ету үшін:

  • Жұмыспен қамтуды реттеу тетіктерін жетілдіру бойынша шаралар қабылдауға, оның ішінде жұмыспен қамтуды ресмилендіруді ынталандыруға.
  • Білім беру жүйесінің мазмұнын кәсіптік стандарттардың негізінде облыс экономикасының даму қажеттіліктеріне орай бейімдеуге және еңбек ресурстарының құзыреттілігін дамыту үшін жағдай жасауға.
  • Экономиканың технологиялық жаңаруын есепке ала отырып, жұмыскерлердің үздіксіз кәсіптік дамуын, кәсіптік дайындығын және қадрларды қайта даярлауды қамтамасыз етуге бағытталған шараларды жүзеге асыруға.
  • Еңбек нарығының инфрақұрылымын жаңғырту бойынша цифрлық тәсілдерді, сонымен қатар Бірыңғай электронды еңбек биржасының мүмкіндігін қолдана пайдалануға уағдаласты.

 

Әкімдік өзіне мынадай міндеттемелерді қабылдайды:

 

  • Тараптардың пікірін ескере отырып, еңбек нарығы саласындағы нормативтік құқықтық актілерді әзірлеуге және жетілдіруге Тараптарды тарту.
  • Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған бағдарламасын іске асыруды қамтамасыз ету.
  • Бейресми жұмыспен қамтылған халықтың қызметін ресмилендіру және тиімсіз жұмыспен қамтылған және жұмыссыз азаматтарды өнімді жұмысқа тартуға бағытталған өз-өзін жұмыспен қамтыған азаматтарды формализациялау жөніндегі Жол картасын іске асыру бойынша шаралар қабылдау.
  • Еңбек ресурстарының дамуына, еңбек нарығындағы жағдайға мониторинг және талдау жүргізіп, жұмыс күшіне сұраныс пен ұсынысқа болжау жасау.
  • Еңбек нарығы бойынша жан-жақты толық ақпаратқа қолжетімділікті қамтамасыз ету жолымен, оның ішінде ақпараттық технологияларды пайдалана отырып, халықты кәсіптік бағдарлау жүйесін жетілдіру.
  • Халықты жұмыспен қамту орталықтарын трансформациялауды жүргізу және жұмыс іздеп жүрген адамдардың кеңінен қамтылуын қамтамасыз ету үшін олардың қызметін жақсарту.
  • Экономиканың шетелдік жұмыс күшіне қажеттілігін анықтау және квоталарды қалыптастыру тәртібін жетілдіру үшін ұсыныстар әзірлеу.
  • Еңбек заңнамасының сақталуына бақылауды күшейту бойынша шаралар қабылдау.

3.18. Еңбек нарығының қазіргі қажеттіліктерін есепке ала отырып, колледждердің өндірістік оқыту шеберлері үшін олардың жұмысының сапалы нәтижесі үшін ай сайынғы қосымша ақы белгілеу негізінде жұмыс берушілер бірлестіктерінің қатысуымен жоғары, техникалық және кәсіптік білім беретін мамандарды даярлауға арналған мемлекеттік білім беру тапсырысын қалыптастырады.

 

Кәсіпкерлер Палатасы өзіне мынадай міндеттемелерді қабылдайды:

 

3.19. Кәсіптік білім беруді жаңғыртуға және кәсіптік стандарттарды әзірлеуге бизнестің қатысуына ықпал ету.

3.20. Біліктілікті тәуелсіз сертификаттауды енгізуді қамтамасыз ету.

3.21. Кәсіпорындарда дуальді оқыту жүйесін енгізуге және тәлімгерлік институтын таратуға жәрдемдесу.

3.22. Жұмыс берушілердің қажеттіліктеріне сәйкес кадрларды даярлауға мемлекеттік тапсырысты қалыптастыру және орналастыру үшін ұсыныстар енгізу.

3.23. Білім беру бағдарламаларын әзірлеуге және жаңартуға қатысу.

3.24. Азаматтарды жұмысқа орналастыруға жекеше жұмыспен қамту агенттіктерін тартуға жәрдемдесу.

3.25. Кәсіпкерлік субъектілерінің арасында еңбек қатынастарын заңдастыру бойынша ақпараттық-түсіндіру жұмысын жүргізу.

3.26. Әкімдіктермен бірлесіп, ірі кәсіпорындарда қысқартылатын жұмыскерлерді қайта даярлау және оларды кейіннен жұмысқа орналастыру бойынша жол карталарын әзірлеу.

 

Кәсіподақтар өзіне мынадай міндеттемелерді қабылдайды:

 

3.27. Салалық біліктілік шеңберін, кәсіптік стандарттарды әзірлеуге қатысу және «өмір сүру барысында» қағидатын іске асыру үшін жұмыскерлерді өзін-өзі дамытуға ынталандыруды.

3.28. Жұмысшы кәсіптерінің беделін арттыру бойынша кешенді іс-шараларды жүзеге асыруды.

3.29. Лайықты өмір жағдайларын жасауға бағытталған жұмыспен қамту мемлекеттік бағдарламаларын қалыптастыруға және әзірлеуге қатысуды.

3.30. Өндіріс көлемін, жұмыс орындарын көбейтуге, қызметкерлерді оқытуға, қайта даярлауға және біліктілігін арттыруға, жеңілдіктер және өтемақылармен қамтамасыз етуге бағытталған  міндеттемелерді еңбек заңнамасында талап етілгендерден артық түрде ұжымдық шарттар мен келісімдерге енгізуге ынталандыруды.

3.31. Кәсіподақ  құрылымдары құрылған кәсіпорындар мен ұйымдарда ұжымдық шарттарды дайындау мен қабылдау кезінде жұмыс берушілер мен жалданбалы қызметкерлердің өкілдеріне практикалық және әдістемелік көмек көрсетеді.

 

IV бөлім

Адами капиталдың сапасын жақсарту

 

Тараптар:

 

4.1. Жоғары және жоғары оқу орнынан кейінгі білімі бар, білімі, ғылымы және инновациялары интеграцияланған бәсекеге қабілетті мамандармен экономика салаларын қамтамасыз ету;

4.2. Техникалық және кәсіптік білім беру жүйесінің беделін арттыру.

4.3. Халықтың денсаулығын қорғаудың, аурулардың алдын алу және оларды басқаруда кешенді әдісі негізінде жаңа саясат енгізу.

4.4. Денсаулық сақтау жүйесін басқару мен қаржыландырудың тиімділігін арттыру.

4.5. Медициналық және фармацевтикалық білім беру мен ғылымды модернизациялау.

4.6. Әлеуметтік қызметтердің сапасын арттыру мақсатында әлеуметтік қызметтер саласындағы бәсекелестік ортаны қалыптастыру.

4.7. Өнімді және ресми жұмыспен қамтуды ынталандыруға бағытталған зейнетақы жүйесін және әлеуметтік сақтандыруды одан әрі дамыту;

4.8. Әлеуметтік қызметтердің мақсатты, қолжетімділігін және сапасын күшейту.

 

Тараптар жоғарыда көрсетілген мақсаттарды іске асыруды қамтамасыз ету үшін:

4.9.  «Барлығы үшін тегін кәсіптік және техникалық білім беру» жобасының іске асырылуына жәрдемдесуге.

4.10. «Өмір сүру барысында оқыту» концепциясын іске асыру үшін қажетті жағдайлар жасауға.

4.11. Елдің индустриялық-инновациялық даму талаптарын ескере отырып, техникалық және кәсіптік білім беру мазмұнын жаңарту үшін  жәрдемдесуге.

4.12. Мемлекеттік-жекеменшік серіктестікті кеңейте отырып, білім саласына жеке инвестицияларды тартуға.

4.13. Мемлекеттік – жекеменшік әріптестік және қазіргі заманауй ақпараттық-коммуникациялық технологиялар негізінде денсаулық және білім инфрақұрылымын одан әрі дамытуды қамтамасыз етуге.

4.14. Міндетті медициналық-әлеуметтік сақтандыру, әлеуметтік және зейнетақылық мәселелер бойынша тұрақты негізде ақпараттық-түсіндіру жұмыстарын жүргізу.

4.15. Мемлекеттің гендерлік және жастар саясатын іске асыруға, мүгедектерді әлеуметтік қорғауға бағытталған облыстық бағдарламаларды жүзеге асыруға қатысу.

 

Әкімдік өзіне мынадай міндеттемелерді қабылдайды:

4.16. Білім берудің барлық деңгейлерінде үш тілді енгізуді кезең-кезеңмен  қамтамасыз етуге.

4.17. Халықтың әлеуметтік осал топтары үшін міндетті медициналық әлеуметтік сақтандыру жүйесіне қатысуды қамтамасыз ету.

4.18. Денсаулық сақтау саласында жүргізіліп жатқан реформалар туралы кеңінен халыққа түсіндіру жұмыстарын жүргізуді.

4.19. Аз қамтылған азаматтар мен отбасыларға мемлекеттік мақсатты әлеуметтік көмек көрсетуді.

4.20. Облыс әкімдігінің және аудандық әкімдіктердің  жалдамалы қызметкерлердің және әлеуметтік жағдайы төмен отбасылардың әлеуметтік-экономикалық мүдделеріне қатысты шешімдер қабылдау барысында Кәсіподақтар мен Кәсіпкерлер палатасын талқылауға шақыруды.

4.21. Барлық меншік нысанындағы кәсіпорындар мен ұйымдардың басшыларынан еңбекақыны, әлеуметтік төлемдерді уақтылы және толық көлемде төлеу, қолданыстағы заңнамамен, ұжымдық және еңбек шартында көзделген осы қызметкерлердің жеке зейнетақы шоттарына міндетті зейнетақы және кәсіби зейнетақы жарналарын тұрақты аударуға ықпал ету.

4.22. Ай сайын осы Келісімнің басқа Тараптарының қатысуымен еңбек нарығындағы болжамды жағдайды және ұсынылатын шараларды әлеуметтік әріптестік және әлеуметтік және еңбек қатынастарын реттеу жөніндегі үшжақты комиссияның жұмыс тобының отырыстарында  қарастырады.

4.23. Кәсіпкерлер палатасымен бірлесе отырып, еңбек ұжымдарында өндірістік қызметті тұрақтандыру және әлеуметтік-еңбек қақтығыстарын болдырмау жөнінде қабылданған шаралар туралы түсіндірме жұмыстарын жүргізеді.

 

Кәсіпкерлер Палатасы өзіне мынадай міндеттемелерді қабылдайды:

 

4.24. Ұйым қызметкерлерінің біліктілігін арттыруды дамытуға, сондай-ақ қызметкерлердің біліктілігін арттыруға ықпал етеді.

4.25. Білім мен денсаулық салаларына жеке инвестицияларды тартуды ынталандыруға ықпал етеді.

4.26. Кәсіпорындардың тұрақты даму мақсатында, қызметкерлерді лайықты еңбек жағдайлары мен еңбекақы төлемдерімен қамтамасыз ете отырып қоғамдық акцияларға қатысуды.

 

Кәсіподақтар өзіне мынадай міндеттемелерді қабылдайды:

 

4.27. Халықтың денсаулығын сақтау үшін азаматтың, жұмыс берушінің және мемлекеттің бірлескен жауапкершілігі қағидаттарын түсіндіру жөніндегі шараларды жүзеге асыру.

4.28. Әлеуметтік сақтандыру, әлеуметтік және зейнетақымен қамсыздандыру саласындағы заңнаманы түсіндіру бойынша әлеуметтік серіктестермен бірлескен семинарлар өткізу.

4.29. Жұмыс берушілерден кәсіпорындар мен ұйымдардың келісім  шарттарына және ұжымдық шарттарына еңбекақы төлеудің зиянды, қауіпті және ауыр еңбек жағдайлары үшін белгіленген лауазымдық айлық ақыларға (тарифтік ставкаларға) қосымша жалақының белгілі бір мөлшерін белгілеу міндеттемесін енгізуді.

4.30. Жұмыс берушілерге қызметкерлерді әлеуметтік-құқықтық қорғау үшін қажетті шараларды қабылдауды көздейтін ұжымдық келісім – шарттарды әзірлеу мен бекітуде  Кәсіподақтар бар кәсіпорындар мен ұйымдарға үнемі кеңес беру және құқықтық көмек көрсету.

4.31. Облыстың кәсіподақ мүшелеріне, сондай-ақ зейнеткерлер мен студент жастарға еңбек, тұрғын үй және зейнетақы заңнамасын практикалық қолдануда тегін заңгерлік көмек көрсету.

4.32. Әрбiр кәсiподақта және оның құрылымдық бөлiмшесiнде сайланған қоғамдық еңбек инспекторларының күштерiмен өндірісте қауiпсiз еңбек жағдайларын жасауда қоғамдық бақылауды жүзеге асыру.

4.33. Кәсіподақ мүшелеріне жұмыс берушінің немесе сақтандыру ұйымының қызметкердің еңбек міндеттерін орындауға байланысты жарақаттану немесе басқа да денсаулыққа зиян келтірген материалдық зиянды уақтылы және толық өтеуі туралы мәселелерді шешуде тегін заңгерлік көмек көрсету.

4.34.Тұрақтылықты сақтау және әлеуметтік және еңбек дауларын болдырмау үшін еңбек ұжымдарында түсіндіру жұмыстарын жүргізуге.

4.35. Еңбек заңнамасының негіздерін түсіндіруге, келіссөздер жүргізу дағдыларын дамытуға және еңбек қақтығыстарындағы консенсусқа жетуге арналған тренингтер бойынша семинарлар өткізуге.

4.36.Ұжымдық келісімшарттар жасасу кезінде жұмыс берушілер мен қызметкерлердің денсаулығын сақтауда бірлескен жауапкершілігін күшейту, сондай-ақ еңбек жағдайларын жақсарту және дене шынықтыру мен спортқа, соның ішінде өндірістік гимнастикаға жағдай жасау үшін шаралар қабылдауға.

4.37. Ереуілдерді, бейбіт жиналыстарды, митингілерді, шерулерді, пикеттерді және демонстрацияларды ұйымдастыру және өткізуде Қазақстан Республикасының заңнамасында белгіленген тәртіппен кәсіподақ мүшелерінің әлеуметтік-еңбек дауларын болдырмау және олардың сақталуын қамтамасыз ету бойынша шаралар қабылдауға.

 

V бөлім

Еңбек жағдайлары және еңбекті қорғау,

өнеркәсіптік және экологиялық қауіпсіздік

 

Тараптар:

 

5.1. Жұмыскердің өмірі мен денсаулығын сақтау басымдығын қамтамасыз етуге.

5.2. Жұмыскердің лайықты еңбекке құқығын іске асыру үшін еңбек қызметі процесінде жағымды еңбек жағдайларын жасауға.

5.3. Еңбекті қорғау, өнеркәсіптік және экологиялық қауіпсіздік саласындағы нормативтік құқықтық актілерді іске асыруға.

5.4. Кәсіпорындарда еңбек қауіпсіздігінің және еңбектің қорғалуын сақтауды ішкі бақылаудың тиімділігін арттыруға.

5.5. Өнеркәсіптік және экологиялық қауіпсіздікті қамтамасыз ету бойынша ынтымақтастықты дамытуға және нығайтуға.

5.6. Өнеркәсіптік және экологиялық қауіпсіздік саласындағы мемлекеттік саясаттың іске асырылуын қамтамасыз етуге.

5.7. Өндіріс және тұтыну қалдықтарының қоршаған ортаға жағымсыз әсерін төмендетуге.

5.8. Экологиялық қауіпсіздікті қамтамасыз етуге және қоршаған ортаның сапасын жақсартуға бағытталған бірлескен күш жұмсауға міндеттенді.

 

Тараптар жоғарыда аталған мақсаттарды іске асыруды қамтамасыз ету үшін:

 

5.9. Мемлекеттік бақылау және қадағалау органдарының, жұмыс берушілер бірлестіктері мен кәсіптік одақтардың еңбек қауіпсіздігі мен еңбекті қорғау мәселелері жөніндегі еңбек заңнамасының сақталуына мемлекеттік және қоғамдық бақылауды жүзеге асыру бойынша өзара іс-қимылын жүзеге асыруға.

5.10. Жұмыскерлердің денсаулығы мен қауіпсіздігіне қауіп төндіретін қатерлердің алдын алу немесе оларды төмендету мақсатында кәсіптік қатерлерді басқару жүйесін жетілдіруге.

5.11. Статистикалық есептілікті жетілдіруді қоса алғанда, еңбек жағдайлары мен еңбектің қорғалуына мониторинг жүргізу жүйесін дамытуға.

5.12.Кәсіптік аурулардың профилактикасы, оларды ерте анықтау және күнделікті өндірістік практикаға кәсіптік қатерлерді басқару тетіктерін енгізу шараларын қоса алғанда, жұмыскерлердің өмірін және денсаулығын сақтау жөніндегі іс-шараларды іске асыруға.

5.13. Жұмыскерлердің денсаулығы мен қауіпсіздігіне қауіп төндіретін қатерлердің алдын алуға немесе оларды төмендетуге, кәсіпорындарда еңбектің қорғалуын және еңбек жағдайларын жақсартуға бағытталған ғылыми-зерттеу және талдамалық жұмыстарды жүргізуге ықпал етуге.

5.14. Облыс кәсіпорындарында және ұйымдарында өндіріс жағдайларында ғылыми зерттеулердің апробациясын жүргізуге және нәтижелерін енгізуге жәрдемдесуге.

5.15. Еңбекті қорғау талаптарын қамтамасыз ету, өндірістік жарақаттану мен кәсіптік аурулардың алдын алу жөніндегі бірлескен іс-қимыл жасау үшін ұйымдарда еңбек қауіпсіздігі мен еңбекті қорғау жөніндегі өндірістік кеңестерді құруға ықпал етуге.

5.16. Еңбек қауіпсіздігі және еңбекті қорғау саласындағы техникалық регламенттерді, мемлекеттік нормативтерді және стандарттарды әзірлеу жөніндегі ғылыми-техникалық кеңестерде, техникалық комитеттерде және жұмыс топтарында бірлескен жұмыс жүргізуге.

5.17. Ғылыми зерттеулерді ұйымдастыруға, өндірістік жарақаттануды және кәсіптік ауруларды төмендету үшін еңбекті қорғау, өндірістік және экологиялық қауіпсіздік саласындағы жаңа инновациялық технологияларды және ғылыми зерттеулердің нәтижелерін пайдалануға.

5.18. Халықаралық еңбек ұйымының АИТВ/ЖИТС және еңбек саласы туралы (№ 200) ұсынымдарын ілгерілету бойынша шаралар қабылдауға.

5.19. «Еңбек қауіпсіздігі мен гигиенасына жәрдемдесетін негіздер туралы» Халықаралық еңбек ұйымының № 187 Конвенциясын іске асыру жұмысын жалғастыруға.

5.20. Еңбек қауіпсіздігі мен еңбекті қорғауды, өнеркәсіптік және экологиялық қауіпсіздікті қамтамасыз ету проблемалары бойынша ғылыми-практикалық конференцияларды, семинарларды, кеңестерді және басқа да іс-шараларды өткізуге.

5.21. Халықтың барлық топтары арасында экологиялық білімді таратуға және экологиялық ынталандырылған мәдени дағдыларды қалыптастыруға.

5.22. Ерекше қорғалатын табиғи аумақтарды сақтау мен дамытуға.

5.23. Қоршаған ортаны қорғаумен және экологиялық қауіпсіздікті қамтамасыз етумен байланысты мәселелерді шешуде қоғамдық бірлестіктердің, коммерциялық емес ұйымдардың және бизнес-қоғамдастықтардың тиімді қатысуын қамтамасыз етуге уағдаласты.

 

Әкімдік өзіне мынадай міндеттемелерді қабылдайды:

 

5.24. Өндірістегі жазатайым оқиғалардан және кәсіптік аурулардан міндетті әлеуметтік сақтандыру, жұмыс орындарындағы еңбек жағдайлары мен еңбектің қорғалуына байланысты сақтандыру тарифтерін қалыптастыру жүйесін жетілдіруге ұсыныстар әзірлеу.

5.25. Жұмыс уақытының қысқартылған ұзақтығы мен  жыл сайынғы ақы төленетін қосымша еңбек демалысын жұмыс орнындағы нақты еңбек жағдайларына байланысты беру тәсілдерін жетілдіруге ұсыныстар әзірлеу.

5.26. Тиісті кәсіптік стандарттарды және заманауи технологияларды пайдалануды ескере отырып, еңбекті қорғау саласындағы мамандарды даярлау және қайта даярлау жүйесін жетілдіруге ұсыныстар әзірлеу.

5.27. Еңбек жағдайларын бағалау жүйесін және жұмыс істеушілердің денсаулығын жақсарту, кәсіптік қатерлерді анықтау мен бағалау және оларды басқару жүйелерінің тиімділігін арттыру мақсатында нормативтік құқықтық базаны жетілдіруге ұсыныстар әзірлеу.

5.28. Өнеркәсіптік және экологиялық қауіпсіздікті қамтамасыз етудің құқықтық, экономикалық, ұйымдастырушылық және басқа да мәселелерін келісілген түрде шешу.

5.29. Өнеркәсіптік және экологиялық қадағалау жүйесінің жұмыс істеу тиімділігін арттыру.

 

Кәсіпкерлер Палатасы өзіне мынадай міндеттемелерді қабылдайды:

 

5.30. Өнімділігі жоғары, еңбек жағдайлары қауіпсіз жаңа жұмыс орындарын құру бойынша шаралар қабылдау.

5.31. Өндірістік жарақаттануды төмендетуге және кәсіптік аурулардың туындауының алдын алуға бағытталған шаралар кешенін іске асыру.

5.32. Еңбек жағдайлары мен еңбектің қорғалуын жақсарту бойынша отандық және шетелдік озық жұмыс тәжірибесін енгізу.

5.33. Еңбек ұжымдарымен міндетті медициналық әлеуметтік сақтандыру, әлеуметтік және зейнетақымен қамсыздандыру мәселелері бойынша кездесулер ұйымдастыру бойынша шаралар қабылдау.

5.34. «Еңбек қауіпсіздігі мен гигиенасына жәрдемдесетін негіздер туралы»Халықаралық еңбек ұйымының № 187 Конвенциясына сәйкес өз жұмыскерлеріне қолайлы еңбек және әлеуметтік жағдай жасауға ықпал ету.

5.35. Еңбекті қорғау жөніндегі персоналды қазіргі заманғы технологияларды пайдалана отырып оқытуға және кешенді даярлауға, еңбекті қорғау жөніндегі құқықтық мәдениетті арттыруға, өндірістік жарақаттану мен кәсіптік ауруларды төмендетуге бағытталған алдын алу іс-шараларын жүргізу шараларын қабылдау.

5.36. Заңнамаға сәйкес жұмыскерлердің медициналық тексеріп қаралуын және жұмыскерлердің мерзімдік медициналық тексеріп қаралуының нәтижелері бойынша ұсынымдарды толықтай орындау.

5.37. Жұмыс орындарын еңбек жағдайлары бойынша аттестаттауды уақытында жүргізу және ауыр, зиянды және (немесе) қауіпті еңбек жағдайлары үшін жұмыскерлерге заңнамада көзделген жеңілдіктер мен өтемақылар беру.

5.38. Еңбек заңнамасының талаптарына сәйкестігін ерікті декларациялау бойынша жұмыс жүргізу.

5.39. Қазақстан Республикасының техникалық регламенттерінде, қағидаларында, нұсқаулықтарында және өзге де нормативтік құқықтық актілерінде белгіленген өнеркәсіптік және экологиялық қауіпсіздік талаптарын сақтау.

5.40. Қоршаған ортаға техногендік сипаттағы факторлардың жағымсыз әсерін төмендету.

5.41. Өнеркәсіптік қауіпсіздік саласындағы мамандарды, жұмыскерлерді даярлауды, қайта даярлауды және білімін тексеруді қамтамасыз ету.

 

Кәсіподақтар өзіне мынадай міндеттемелерді қабылдайды:

 

5.42. Тиісті кәсіптік стандарттарды ескеріп заманауи технологияларды пайдалана отырып, еңбекті қорғау бойынша техникалық инспекторларды даярлау және қайта даярлау жүйесін жетілдіру.

5.43. Еңбекті қорғау талаптарын сақтауға, өндірістік жарақаттанудың және кәсіптік аурулардың алдын алуға бағытталған бірлескен іс-қимылды қамтамасыз ету мақсатында еңбек қауіпсіздігі және еңбекті қорғау жөніндегі өндірістік кеңестерді құруға және олардың жұмысына қатысу.

5.44. Жұмыскерлердің еңбек және санитариялық-гигиеналық жағдайларын жақсарту бойынша іс-шараларды ұйымдастыруға, сондай-ақ өндірістік жарақаттануды және кәсіптік аурулардың алдын алу бойынша профилактикалық іс-шараларды жүргізуге қатысу.

5.45. Жұмыс берушімен бірлесіп, еңбекті қорғау, өнеркәсіптік және экологиялық қауіпсіздік саласында ортақ бақылауды және тиімді өзара іс-қимылды жүзеге асыру.

5.46. Қаржыландыруға қатысу арқылы жұмыскерлерді, ең алдымен, зиянды еңбек жағдайларында жұмыс істейтін жұмыскерлерді сауықтыру, атап айтқанда санаторий-профилакторийлерде, санаторий-курорттық мекемелерде сауықтыру бойынша емдік-профилактикалық іс-шараларды жүзеге асыруға ықпал ету.

5.47. Кәсіподақ ұйымдарының мүшелері арасында еңбек қауіпсіздігі мен еңбекті қорғау саласындағы нормативтік құқықтық актілерді сақтау бойынша ақпараттық-түсіндіру жұмысын жүргізу.

5.48. Қауіпті өндірістік объектілердегі авариялар, инциденттер туралы ұйым әкімшілігіне шұғыл түрде хабарлау.

5.49. Экологиялық мәдениетті қалыптастыру, экологиялық білім мен тәрбиені дамыту.

 

VI бөлім

Әлеуметтік әріптестік

 

Тараптар:

 

6.1. Консультациялар өткізуге, салалық, аудандық (қалалық) деңгейде келісімдер, ұжымдық шарттар жасасу тәжірибесін, сондай-ақ әлеуметтік әріптестік және әлеуметтік пен еңбек қатынастарын реттеу жөніндегі облыстық үшжақты комиссия (бұдан әрі – Комиссия) отырыстарында талдау нәтижелерін қараумен әлеуметтік әріптестік органдарының жұмыс практикасына мониторинг пен талдау жүргізуге.

6.2. Әлеуметтік әріптестік тараптарының консультациялары мен келіссөздері кезінде қол жеткізілген уағдаластықтарды бұқаралық ақпарат құралдарында үнемі жариялауға, өзіне алынған міндеттемелерді орындау жағдайы туралы ақпаратты жариялауға.

6.3. Ұжымдық еңбек дауларын реттеу, еңбек қатынастары саласындағы бұзушылықтарға қарсы іс-қимыл бойынша барлық байланысты шараларды жүргізуге.

6.4. Тараптардың әлеуметтік жауапкершілігі қағидаттарын дамыту бойынша бірлескен жұмыс жүргізуге.

6.5. Кәсіптік одақтар мен жұмыс берушілер бірлестіктерінің қызметіне араласпау, оларды құруға және жұмыс істеуіне кедергі болмау туралы заңнамалық және жалпы мойындалған халықаралық нормалар мен қағидаларды сақтауға.

6.6. Халықаралық еңбек ұйымының еңбек стандарттарын іске асыруға жәрдемдесуге.

6.7. Жамбыл облысында лайықты еңбек қағидаттарын іске асыруды қамтамасыз етуге, нақты жалақы деңгейін арттыруды қамтамасыз ететін шаралар кешенін іске асыруға, кіріс саясатын жетілдіруге және халықтың өмір сүру деңгейін арттыруға бағытталған бірлескен күш жұмсауға міндеттенді.

 

Тараптар жоғарыда көрсетілген мақсаттарды іске асыруды қамтамасыз ету үшін:

 

6.8. Әлеуметтік әріптестік, әлеуметтік-еңбек қатынастарын ұжымдық-келісімшарттық реттеу қағидаттары негізінде өзара қарым-қатынасты дамытуға, Келісімде айқындалған міндеттемелер мен уағдаластықтарды сақтауға.

6.9. Әлеуметтік әріптестіктің салалық және өңірлік деңгейлерінде жасалған салалық келісімдердің ашық ақпараттық базасын қалыптастыруға.

6.10. Елдің кәсіпорындары мен ұйымдарында әлеуметтік-еңбек қатынастарын ұжымдық келісім шарттық реттеумен қамтуды кеңейтуге жәрдемдесуге.

6.11. Бизнестің әлеуметтік жауапкершілігі жөніндегі «Парыз» конкурсын өткізу жөніндегі жұмыстарды ұйымдастыруға.

6.12. Әлеуметтік-еңбек қатынастарына қатысты мәселелерді Комиссия отырыстарында қарауда бірлесіп қатысуды қамтамасыз етуге.

6.13. Салалық және аудандық (қалалық) деңгейлердегі келісімдерді  әзірлеуге және қабылдауға қатысу үшін тепе-теңдік негізде жұмыс берушілердің облыстық бірлестіктерінің, кәсіптік одақтардың облыстық бірлестіктерінің және еңбек жөніндегі уәкілетті мемлекеттік органның өкілдері қатарынан бақылаушылар тобын қалыптастыруға.

Келісімдерді әзірлеуге және қабылдауға қатысу бойынша қалыптастырылған бақылаушылар тобы салалар мен аудандық (қалалық) деңгейде жеке жүргізіліп жатқан жұмыс туралы ақпаратты жыл сайын жартыжылдық негізде Комиссияға қарауға ұсынады.

6.14. 2018 жылы «Еңбек шартын жасаңыз» ортақ акциясын жариялауға және өткізуге.

6.15. Әлеуметтік-еңбек жанжалдардың профилактикасы, алдын алу және ескерту бойынша шаралар кешенін қабылдауға.

6.16. Облыстық, салалық және аудандық (қалалық) келісімдердің, ұжымдық шарттардың орындалуына жыл сайынғы негізде талдау жүргізуге.

6.17. Әлеуметтік әріптестік жүйесінің жұмыс істеуіне талдау жүргізуге және әлеуметтік әріптестік жөніндегі үшжақты комиссиялар аясында талдау және тәжірибе нәтижелерін қарауды жүзеге асыруға.

6.18. Әлеуметтік әріптестік, әлеуметтік-еңбек қатынастарын ұжымдық-шарттық реттеу жүйесінің жұмыс істеуін және дамуын, ұжымдық еңбек дауларын шешу тиімділігін арттыруды қамтамасыз ететін нормативтік құқықтық базаны жетілдіруге бағытталған ұсыныстарды дайындау бойынша бірлескен жұмысты жалғастыруға.

6.19. Өзіне алған міндеттемелерді орындау және өзара бақылауды жүзеге асыру үшін осы Келісімде айқындалған мәселелер бойынша ақпарат, құжаттар және материалдар, статистикалық деректер алмасуға.

6.20. Еңбек нормативтерін іске асыруды және кәсіпорындардың еңбекті нормалау жүйесімен қамтылуын кеңейтуді қамтамасыз етуге.

6.21. Тең және бірдей біліктілікке сәйкес келетін жұмыстарды орындау кезінде шетелдік және отандық жұмыскерлер арасында еңбекке ақы төлеу саласындағы теңдік және мүмкіндік қағидаттарын сақтауға.

6.22. Экономика салаларында еңбекке ақы төлеу жүйесінің негізгі қағидаттары бойынша келісілген ұсыныстарды әзірлеу жөнінде консультациялар өткізуге.

6.23. Келісімдерде және ұжымдық шарттарда еңбекке ақы төлеу бойынша тиісті міндеттемелерді көздеуге, оның ішінде еңбек жағдайларын зияндылығы мен қауіптілігі дәрежесі бойынша жіктейтін салалық коэффициенттерді қосуды қамтамасыз етуге.

6.24. Әрбір жұмыскердің ұйым қызметінің түпкі нәтижелеріне қосқан үлесін ескеретін және жоғары өнімді еңбекті ынталандыруға бағытталған еңбекке ақы төлеудің тиімді және икемді жүйелерін қолдануға.

6.25. Уақтылы және толық еңбекке ақы төлеу құқығын іске асыру бойынша мәселелерді шешуде атқарушы билік органдарымен, мемлекеттік қадағалау органдарымен өзара іс-қимыл жасауға.

6.26. Еңбекке ақы төлеу мәселелері бойынша заңнаманы іске асыру жағдайына талдау және бағалау жүргізуге, оны жетілдіру бойынша ұсыныстар енгізуге уағдаласты.

 

Әкімдік өзіне мынадай  міндеттемелерді қабылдайды:

 

6.27. Әлеуметтік-еңбек қатынастарын және олармен байланысты экономикалық қатынастарды реттеу саласындағы мемлекеттік саясатты ақпаратпен алмасу, консультациялар, келіссөздер, кеңестер, жұмыс кездесулері нысанында қалыптастыруды және іске асыруды қамтамасыз ету.

6.28. Әлеуметтік әріптестікті үйлестіру және облыстық, салалық және аудандық (қалалық) деңгейлерде тиімді әлеуметтік диалогқа ықпал ету.

 

Кәсіпкерлер Палатасы өзіне мынадай міндеттемелерді қабылдайды:

 

6.29. Еңбек қатынастарын және кәсіпорындардың өндірістік қызметін реттеу мәселелері бойынша еңбек ұжымдарымен тұрақты кездесулерді ұйымдастыру бойынша шараларды қабылдау.

6.30. Жұмыс берушілердің еңбек қатынастарын реттеу саласындағы құқықтық сауаттылығын арттыру бойынша тұрақты іс-шараларды жүргізу.

6.31. Жұмыс берушілердің арасында еңбек заңнамасын оқыту және түсіндіру, еңбек жанжалдарында келіссөздер жүргізе білу дағдыларын дамыту және консенсусқа қол жеткізу бойынша оқыту тренингтерін өткізу.

6.32. Ұжымдық еңбек дауы туындаған кезде татуластыру рәсімдерін сақтау бойынша шаралар қолдану.

6.33. Келісім комиссияларының тиімді қызмет етуі үшін жағдайлар жасау.

 

Кәсіподақтар өзіне мынадай міндеттемелерді қабылдайды:

 

6.34. Жұмыскерлер арасында еңбек заңнамасының негізіне оқытуды және түсіндіруді, еңбек жанжалдарында келіссөздер жүргізу дағдыларын дамыту консенсусқа қол жеткізу бойынша оқыту тренингтерін өткізу.

6.35. Ұжымдық еңбек дауларын қолданыстағы заңнама шеңберінде шешу және заңсыз ереуілдерді, жиындарды, наразылық акцияларын өткізуге жол бермеу бойынша шараларды қабылдау.

6.36. Жеке еңбек дауларын шешудің қалыптасқан практикасын зерделеу және оларды шешу бойынша ұсыныстар дайындау.

 

VII бөлім

Қорытынды ережелер

 

Осы Келісімнің ережелерін Тараптардың орындауын үйлестіру мақсатында Тараптар төмендегілер туралы уағдаласты:

 

7.1. Осы Келісім 2018 жылғы 1 қаңтардан бастап күшіне енеді және жаңа Келісім жасалғанға дейін қолданылады.

7.2. Келісім мемлекеттік органдарға, жұмыскерлермен олардың өкілдеріне, меншік нысанына қарамастан барлық жұмыс берушілерге, Жамбыл облысының аумағында тіркелген, шетелдік азаматтар немесе шетелдік заңды тұлғалар не шетелдің қатысуы бар заңды тұлғалар мүлкінің меншік иелері, құрылтайшылары (қатысушылары) немесе акционерлері болып табылатын ұйымдарға, сондай-ақ шетелдік заңды тұлғалардың филиалдары мен өкілдіктеріне қолданылады.

7.3. Тараптар Келісімді 2018 – 2020 жылдарға арналған Қазақстан Республикасында келісілген әлеуметтік-экономикалық саясатты жүргізу жөніндегі басым бағыттарды және қажетті іс-қимылдарды белгілейтін әлеуметтік әріптестіктің негізгі құжаты ретінде мойындайды.

7.4. Келісім ұйымдарда және кәсіпорындарда салалық және аудандық (қалалық) келісімдерді, ұжымдық шарттарды жасау және келіссөздер үшін негіз болады.

7.5. Тараптардың Келісім бойынша міндеттемелері және Комиссия ұсынымдары (шешімдері) салалық және аудандық (қалалық) келісімдер мен ұжымдық шарттар жасау кезінде ескерілуге тиіс.

7.6. Кейінгі жылдарға арналған Келісім 2021 жылғы 25 ақпаннан кешіктірілмей жасалады.

7.7. Комиссия шешімдері осы Келісімді іске асыру нысаны болып табылады.

7.8. Келісімнің орындалу барысын бақылауды тараптар жүзеге асырады.

7.9. Тараптардың бірінің ұсынысы бойынша Келісімге Тараптардың өзара келісімімен өзгерістер мен толықтырулар енгізілуі мүмкін, олар жеке хаттамалармен ресімделеді және қол қойылған күнінен бастап күшіне енеді.

7.10. Тараптарға салалық және аудандық (қалалық) келісімге өзгерістер мен толықтырулар енгізу немесе Келісімге сәйкес жаңаларын жасау қажет.

7.11. Тараптар Келісімде көзделген, Қазақстан Республикасының заңнамасына сәйкес өзіне алған міндеттемелерді орындамаған жағдайда жауапты болады.

7.12. Тараптар нақты мерзімдерін және орындауға жауаптыларды көрсете отырып, қабылданған міндеттемелерді іске асыру бойынша іс-шаралар жоспарын әзірлейді, оны Комиссия бекітеді.

7.13. Комиссияның жұмыс тобы Келісімнің орындалу барысы туралы ақпарат дайындайды. Келісімнің орындалу барысын Комиссия жартыжылда бір рет қарайды.

7.14. Тараптар облыстық үшжақты комиссияның қызметін және Келісімді іске асыру барысын жариялау мақсатында, бұқаралық ақпарат құралдарында әлеуметтік әріптестікті дамытуға және Жамбыл облысындағы әлеуметтік-еңбек қатынастары проблемаларына арналған материалдардың үнемі жарияланып тұруын қамтамасыз етеді.

7.15. Келісімнің мәтіні екі апталық мерзімде «Ақ жол» және «Знамя труда» облыстық баспа басылымдарында жарияланады.

7.16. Осы Келісім 2018 жылғы «    » __________ Тараз қаласында ___ данада мемлекеттік және орыс тілдерінде жасалды. Қол қоюға қатысушылардың әрқайсысында Келісімнің бір-бір данасы болады.


 

Осы келісімге қол қойғандар:

 

 

Жамбыл облысы әкімдігінің атынан:

 

Жамбыл облысы әкімінің орынбасары

 

________________ Т.Жанке

 

«Жамбыл облысы Кәсіподақтар

орталығы» аумақтық кәсіподақтар бірлестігі атынан:

 

«Жамбыл облысының

Кәсіподақтар орталығы» аумақтық кәсіподақтар бірлестігінің төрағасы

________________ М.Төлепберген

 

 

Кәсіпкерлер Палатасы атынан:

 

Жамбыл облысының

Кәсіпкерлер Палатасының директоры

_________________ М.Шәкербек