Талас ауданы әкімдігінің бөлімдерімен, қала және ауылдық округ әкімдерімен 2018 жылдың 6 айында және 2017 жылы көрсетілген мемлекеттік қызмет түрлері бойынша анықтама

Талас ауданы әкімдігінің бөлімдерімен, қала және ауылдық округ әкімдерімен 2018 жылдың 6 айында көрсетілген мемлекеттік қызмет түрлері бойынша талдамалық анықтама

 

Жалпы аудан бойынша ауылдық округтермен және аудан әкімдігінің бөлімдерімен барлығы 83 мемлекеттік қызмет түрлері көрсетілуде. Оның ішінде: Аудан әкімдігінің білім беру бөлімімен 22 қызмет, Жұмыспен қамту және әлеуметтік бағдарламалар бөлімімен 18 қызмет, Ауыл шаруашылығы бөлімімен 6 қызмет, Жер қатынастары бөлімімен 5 қызмет, Сәулет, қала құрылысы және құрылыс бөлімімен 4 қызмет, Тұрғын үй-коммуналдық шаруашылық, жолаушылар көлігі және автомобиль жолдары бөлімімен 5 қызмет, Ветеринария бөлімімен 4 қызмет, Спорт және дене шынықтыру бөлімімен 1 қызмет, АХАЖ бөлімімен 10 қызмет, қала және ауылдық округтер арқылы 8 қызмет.

2018 жылдың 6 айында мемлекеттік көрсетілетін қызметтер бойынша жеке және заңды тұлғаларға 22860 мемлекеттік қызмет көрсетілген. Оның ішінде:

-мемлекеттік көрсетілетін қызметтердің 22 түрі бойынша 3396 өтініш мемлекеттік корпорация арқылы қабылданған,

-тікелей мемлекеттік мекемелерде қағаз түрінде 5776 қызмет

-электрондық түрде 13688 қызмет көрсетілген.

Талас ауданы әкімдігінде мемлекеттік  көрсетілетін қызметті алушылардың мемлекеттік қызмет көрсету тәртібі туралы хабардар болуын қамтамасыз етудің 2018 жылға арналған іс-шаралар жоспарына сәйкес, 2018 жылдың 6 айында аудандық «Талас тынысы» газетіне                14 мақала жарияланды және мемлекеттік корпорация және аудан әкімдігінің бөлім және ауылдық округ қызметкерлерімен бірлесіп                40 семинар кеңестер, дөңгелек үстелдер өткізіліп, 1498 адам қамтылды.

Аудан әкімінің ресми сайтында (talas.zhambyl.kz) мемлекеттік қызмет атты арнайы тарау жұмыс істеуде. Онда мемлекеттік қызмет көрсету стандарттарын, электронды қызметтерді пайдаланушыларға арналған нұсқаулықтар және мемлекеттік қызметтер көрсетудің стандарттары мен регламенттерінің негізгі ережелері және жария талқылауға жататын мемлекеттік көрсетілетін қызмет стандарттарының жобалары (облыс әкімдігінің ресми сайтына сілтеме орналастырылған) және шағым жасау тәртібі туралы нұсқаулық орналастырылған. Сайт қазақ, орыс тілдерінде және көру қабілеті төмен адамдарға арналған шрифт көлемін және түсін өзгерту функцияларымен қамтылған.

2018 жылдың 6 айында жергілікті атқарушы органдардың мемлекеттік қызмет көрсетуіне байланысты жеке және заңды тұлғалардан шағымдар тіркелмеген. Ағымдағы жылдың қаңтар айында «Тракторларды және олардың базасында жасалған өздігінен жүретін шассилер мен механизмдерді, өздігінен жүретін ауыл шаруашылығы, мелиоративтік және жол-құрылыс машиналары мен механизмдерін, сондай-ақ жүріп өту мүмкіндігі жоғары арнайы машиналарды жүргізу құқығына куәліктер беру» мемлекеттік көрсетілетін қызмет стандарты бойынша 1 қызметтің  мерзімі бұзылып көрсетілген.

Бас тартылған мемлекеттік қызметтер саны – 2.

Мемлекеттік қызметшілердің қайта даярлау және біліктілігін арттыру курстарынан бүгінгі күнге 17 қызметкер өткен.

«Азаматтарға арналған үкімет» мемлекеттік корпорациясы» коммерциялық емес акционерлік қоғамы және «Электрондық үкімет» веб-порталы арқылы көрсетілген қызметтердің үлесін арттыру мақсатында қазіргі таңда ауылдық округ әкімі аппараттары ғимараттарында «электрондық үкімет бұрыштары» ашылып, ауыл тұрғындарына қызмет көрсетуде. Сонымен қатар, ауданда орналасқан мекемелер мен ұйымдардың қызметкерлеріне порталмен жұмыс жасау дағдыларын және компьютерлік  сауаттылықты  үйрету жұмыстары бойынша жоспар бекітіліп, бүгінгі күнге 46 іс – шара өткізіліп, 18                        00-ге жуық адам қамтылды.  Сонымен қатар, аудан тұрғындарын электрондық цифрлік қолтаңба және СМС келісімі бойынша үшінші тұлғамен анықтама алу сервисі бойынша аудандық Халыққа қызмет көрсету орталығымен бірлесіп жұмыстар жүргізілуде және оң нәтижесін беруде.

«Электрондық үкімет» порталын насихаттау мақсатында Қаратау қаласы және 5 ауылдық округтерінде (Бостандық, Ойық, Тамды, Үшарал,Ақкөл) билбордтар ілінген.

Талас ауданы әкімі аппаратының мемлекеттік көрсетілетін қызметтер сапасына ішкі бақылау жүргізудің іс-шаралар жоспарларына сәйкес,  ағымдағы жылы 10 мекемеге (Қаратау қаласы әкімі аппараты, аудан әкімдігінің жер қатынастары бөлімі, аудан әкімдігінің дене шынықтыру және спорт бөлімі, аудан әкімдігінің сәулет, қала құрылысы және құрылыс бөлімі, аудан әкімдігінің ТҮКШ, ЖК және АЖ бөлімі, аудан әкімдігінің жұмыспен қамту және әлеуметтік бағдарламалар бөлімі, аудан әкімдігінің ветеринарлық бөлімі, аудан әкімдігінің «ветеринарлық қызмет» ШЖҚ КМК және аудан әкімдігінің білім бөліміне) ішінара тексеру жұмыстары жүргізілді. Тексеру барысында анықталған кемшіліктерді жою туралы ұсыныстар жолданды. Сонымен қатар, жұмыс барысында кемшіліктерге жол бергені үшін 8 қызметкерге тәртіптік жаза берілді.

Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің ұсынысы бойынша аудан тұрғындарына мемлекеттік қызметтерді ашық, қол жетімді, әрі сапалы көрсету мақсатында орталықтан шалғай орналасқан елді-мекендерде мемлекеттік көрсетілетін қызметтер жәрмеңкесін өткізудің жоспары әзірленіп, Талас аудандық «Талас тынысы» газетіне жарияланған. Бүгінгі күнге Тамды,Көктал,Ақкөл және Қызыләуіт ауылдық округтерінде жәрмеңке өткізіліп, ауыл тұрғындарына қойылған сауалдарына қолданыстағы заң талаптарына сәйкес, жауаптар берілді.

 

 

 

Талас ауданы әкімдігінің бөлімдерімен, қала және ауылдық округ әкімдерімен 2017 жылдың 12 айында көрсетілген мемлекеттік қызмет түрлері бойынша талдамалық анықтама

 

Қазақстан Республикасы Үкіметінің 2013 жылғы 18 қыркүйектегі №983 қаулысына сәйкес, мемлекеттік қызмет көрсету стандарты бойынша Қаратау қаласы және ауылдық округ әкімдерінің аппараттары, аудан әкімдігінің бөлімдері тарапынан қызмет көрсетеді.

2017 жылдың 12 айында мемлекеттік көрсетілетін қызметтер бойынша жеке және заңды тұлғаларға 46249 мемлекеттік қызмет көрсетілген. Оның ішінде, мемлекеттік көрсетілетін қызметтердің 15 түрі бойынша 9926 өтініш мемлекеттік корпорация арқылы қабылданған, тікелей мемлекеттік мекемелерде қағаз түрінде 34688 қызмет және электрондық түрде             1635 қызмет көрсетілген.

Тұтынушылардың мемлекеттік қызметтер көрсету тәртібі туралы ақпаратқа қолжетімділігін қамтамасыз ету үшін барлық мемлекеттік мекемеде мемлекеттік көрсетілетін қызмет стандарттары арнайы стендтерге орналастырылған. Сондай-ақ, мемлекеттік қызметшілер тарапынан тұтынушыларға тұрақты түрде түсіндіру жұмыстары жүргізілуде. Аудан әкімінің ресми talas.zhambyl.kz сайтында мемлекеттік қызмет атты арнайы тарау ашылған. Онда мемлекеттік қызмет көрсету стандарттарын, электронды қызметтерді пайдаланушыларға арналған нұсқаулықтар және мемлекеттік қызметтер көрсетудің стандарттары мен регламенттерінің негізгі ережелері және жария талқылауға жататын мемлекеттік көрсетілетін қызмет стандарттарының жобалары (облыс әкімдігінің ресми сайтына сілтеме орналастырылған) және шағым жасау тәртібі туралы нұсқаулық орналастырылған. Ағымдағы жылы «Азаматтарға арналған үкімет» мемлекеттік корпорациясы» коммерциялық емес акционерлік қоғамы және «Электрондық үкімет» веб-порталы арқылы көрсетілген қызметтердің үлесін арттыру бойынша қала және ауылдық округ әкімі аппаратының қызметкерлерімен 67 түсіндірме іс-шаралары (дөңгелек үстөлдер, жиындар және газетке шыққан мақалалар)  өткізіліп, жүргізілген түсіндірме іс-шараларына барлығы 4008 адам қатысқан. Сонымен қатар, Қаратау қаласы әкімі аппараты тарапынан қала тұрғындарына мемлекеттік қызметтерді көрсету сапасын арттыру бойынша 500-ге жуық ақпараттық парақшалар таратылды.

Жергілікті атқарушы органдардың мемлекеттік қызмет көрсетуіне байланысты жеке және заңды тұлғалардан шағымдар түспеген. Мерзімдері бұзылып көрсетілген қызметтер бар.

Олар:

  1. «е-лицензия» ықпалдастырылған жүйесіне «Сервисная компания «Сапа стандарт» ЖШС «іздестіру жұмыстарын жүргізу үшін рұқсат беру» мемлекеттік қызмет көрсету стандарты бойынша өтініш түскен. 22.05.2017 жылы ықпалдастырылған жүйесі белгісіз себептермен жұмыс істемей, өтініш бір күн кешіктіріліп, яғни 23.05.2017 жылы жабылды. Ағымдағы жылдың 02 мамыр – 02 маусым аралығында аудандық жер бөлімінің басшысы еңбек демалысында болуына байланысты, міндетін атқарушы Әбдіғаппар Нұрланға «ескерту» түрінде тәртіптік шара қолданылды.
  2. «е-лицензиялау» ЫАЖ-не жеке кәсіпкер «Мыхаев Ж.» (директоры Мыхаев Жаукашты Боданович) «Іздестіру жұмыстарын жүргізу үшін жер учаскелерін пайдалануға рұқсат беру туралы» мемлекеттік қызмет көрсету стандарты бойынша электронды түрде 31.05.2017 жылдың сағат 11.03 өтініші келіп түскен. Аудан әкімінің кеңсесі жеке кәсіпкер «Мыхаев Ж.» өтінішін 06.06.2017 жылы «е-лицензиялау» базасына тіркеп, аудан әкімі Б.Рысмендиевтың ықпалдастырылған базасына электронды түрде жолданған. 06.06.2017 жылы аудан әкімінің «е-лицензиялау» жүйесінен электронды резолюция қойып аудан әкімдігінің жер бөлімінің басшысы К.Нұрбековке жолданды (К.Нұрбеков еңбек демалысында болуына байланысты, міндетін атқарушы Н.Әбдіғаппар). Аудандық жер бөлімінің қызметкерлерінен 13.06.2017 жылы жеке кәсіпкер «Мыхаев Ж.» «Іздестіру жұмыстарын жүргізу үшін жер учаскелерін пайдалануға рұқсат беру туралы» мемлекеттік қызмет көрсету стандарты бойынша толық құжаттар тізбесін ұсынбауына байланысты (атап айтқанда: іздестіру жұмыстары жүргізілетін жер телімінің сызбасы (схемасы), мемлекеттік тіркеу куәлігі болмауы) Ж.Мыхаевтың өтінішіне бас тарту жасалынды.

Алайда, аудан әкімінің кеңсесі қабылданған шешім жөнінде хабарланбады. Осыған байланысты, Ж.Мыхаевтың өтініші аудан әкімінің «е-лицензиялау» ЫАЖ арқылы Ж.Мыхаевқа 16.06.2017 жылы толық хабар берілді. Яғни, үш күнге кешіктірілді.

Қазіргі таңда «е-лицензиялау» ЫАЖ айналысатын лауазымды тұлғалар (кеңсе бас маманы- А.Кенжебаева, жер бөлімінің басшысы- К.Нұрбеков, ұйымдастыру-инспекторлық бөлімшесінің бас маманы- бос орын) атқарған қызметтерінен босатылған (басқа жұмысқа ауысуына және зейнетке шығуына байланысты).

  1. «Азаматтарға арналған үкімет» мемлекеттік корпорациясы» КЕ АҚ ХҚКО Талас аудандық филиалына 13.08.2017 жылы 880101499086 Хожамуратова Гулдерай Алтынбаевнадан «Елді мекендер шегінде объектілер салу үшін жер учаскелерін беру» мемлекеттік қызмет бойынша өтініш түсіріліп, Қаратау қаласы әкімінің аппаратына орындау үшін жолданған. өтінішті көрсетілген мерзімде орындамағаны үшін (2 күн кешіктіріп, 25.08.2017 жылы жабылды) қала әкімі аппаратының бөлімше басшысы Архабай Манапович Махадиевке сөгіс түрінде тәртіптік шара қолданылды.

Мемлекеттік көрсетілетін қызметтер бойынша біліктілікті арттыру курстарынан өткен қызметкерлер жоқ.

Мемлекеттік қызмет көрсетуден бас тарту 19. (Он сегіз жасқа дейінгі балаларға мемлекеттік жәрдемақы тағайындау жәрдемақысы)